नटतोय, सजतोय गर्भगिरी

देवस्थानांचा पर्य़टकीय दृष्टीने विकास होतोय. त्यामुळे गर्भगिरी हळूहळू नटतोय. सजतोय. मस्त पर्यटकांना मोहून टाकतोय. नगर जिल्ह्यातील गोरक्षनाथ गड, डोंगरगण, काळ भैरवनाथांचे आगडगाव, मढीतील कानिफनाथ, मोहटा देवी आदी देवस्थानाजवळ मागील दहा वर्षांत अमुलाग्र बदल झालाय. बीड जिल्ह्यातील सावरगावचे मच्छिंद्रनाथ, येवलवाडीचे जालिंदरनाथ आदी देवस्थानांनाही शासनाकडून निधी मिळून त्यांनी कात टाकलीय. या सुंदर व रम्य देवस्थानांमुळे परिसरातील रस्तेही चांगले झालेत. त्यामुळेच आता हिरवाईचा, श्रावणसरीचा आनंद घेण्यासाठी हजारो पर्यंटक येत आहेत. आपणही हा आनंद एकदा घ्यावाच...