गर्भागिरीतील अन्नदान

अन्नछत्रांची कमाल

गर्भगिरी डोंगररांगेतील देवस्थानांमध्ये गेल्या दहा वर्षांत मोठे बदल झाले. देवस्थानांचा विकास झालाय. अन्नछत्र सुरू झाले. या उपक्रमांमुळे भाविक, पर्यटक अधिक वाढला आहे. अन्नछत्र सुरू करण्याचा श्रीगणेशा आगडगावच्या काळ भैरवनाथ देवस्थानाजवळ झाला. गेल्या १५ वर्षांपूर्वी बाजरीची भाकरी आणि आमटी असा महाप्रसाद सुरू केला. महाप्रसाद म्हणजे पोटभर जेवण. अगदी मांडी घालून भाकरी चुरून खायची. त्यासोबत कांदा, लिंबू, गोड पदार्थ, हिरव्या मिरचीचा चरचरीत ठेचा हेही पदार्थ असतात. त्यामुळे जेवण अगदी पोटभरून होते. सध्या प्रत्येक रविवारी सुमारे दहा हजार लोक जेवण करतात, ही गोष्ट गर्भगिरीच्या दृष्टीने नक्कीच भूषणावह आहे. त्यानंतर इतर देवस्थानांनीही प्रसाद देण्याचे सुरू केले. गोरक्षनाथ गड, मढी, मोहटा देवी, मच्छिंद्रनाथ गड आदी ठिकाणी अन्नछत्र सुरू झाले. आलेल्या भाविकांना जेवण मिळते. जेवणासाठी इतरत्र हाॅटेलमध्ये जाण्याची गरज नाही. असेच अन्नछत्र सुरू झाल्याने देवस्थानकडे भाविक अधिक वळत आहे. अन्नछत्राचा सर्वात यशस्वी उपक्रम आगडगावचा आहे. कारण तेथील पोटभर जेवण हे भाविकांचे विशेष आकर्षण ठरले आहे.